ജീവിതം എറിഞ്ഞ് കളിക്കലാണ്
കൈവിട്ട് പോയാല് കഴിഞ്ഞു
ബൂമറാംഗ് പോലെ തിരിച്ച് വരുമെന്ന്
കരുതുന്നത് വിഡ്ഢിത്തം...
കുട്ടിക്കാലത്ത് മാവിനും പുളിക്കും
ചൊക്ലി പട്ടിക്ക് നേരെയും
കല്ലെറിയുന്നത് പോലെ
കൗമാര കാലത്തെ പ്രേമത്തിന്റെ
കണ്ണേറ് പോലെ...
പഠനം, ജോലി, പണം, വീട്
ഭാര്യ, കുട്ടികള്, പേരക്കുട്ടികള്
അസുഖം, ആശുപത്രി, ശസ്ത്രക്രിയ, മരണം
എറിയുന്നവന്റെ കയ്യൂക്കനുസരിച്ചാണ് കാര്യങ്ങള്
ചിലപ്പോള് നിലവിളി ഉയര്ന്നേക്കാം...
പ്രലോഭനങ്ങള് ജീവിതത്തിന്റെ
ചൂണ്ടയില് തൂങ്ങി നില്ക്കുന്നു
ചാടിപ്പിടിക്കാം, എറിഞ്ഞ് വീഴ്ത്താം
ഭാഗ്യക്കുറി പോലെ
കിട്ടിയാല് കിട്ടി...
ഉന്നം തെറ്റാതെ എറിയൂ..
ReplyDelete