വിരഹത്തിന്റെ നേര്‍ത്ത
നൊമ്പരങ്ങള്‍ നീ എനിക്ക്‌
സമ്മാനിക്കുന്നുണ്ട്‌...
മറ്റൊന്നും തരാനില്ലാത്തതിനാല്‍
നിനക്ക്‌ വേണ്ടി ജോഗ്‌ രാഗം മൂളാം...
നീണ്ട യാത്രകളാണ്‌ പ്രിയപ്പെട്ടവളേ
നീണ്ട നീണ്ട യാത്രകള്‍
നിഴലും നിലാവും കോറിയിട്ടങ്ങനെ...
ഇടക്ക്‌ തിരിഞ്ഞു നോക്കാറുണ്ട്‌
തിരിഞ്ഞു നോട്ടങ്ങള്‍
അപ്രസക്തമാണെന്ന്‌
അറിയാമായിരുന്നിട്ടും നോക്കി
വെറുതെ...
ഒറ്റക്കിരിക്കുമ്പോള്‍
നിറ സന്ധ്യകള്‍ മറന്നിട്ടു പോയ
നക്ഷത്ര തുണ്ടുകള്‍ പോലെ
നീയിങ്ങനെ എന്നില്‍ ജ്വലിക്കാറുണ്ട്‌
ആ നമിഷം ഹൃദയത്തില്‍
പുഷ്‌പിച്ച പൂക്കള്‍ക്ക്‌ നിന്റെ ഗന്ധമാണ്‌...
ഇനി സ്വപ്‌നങ്ങളിലേക്ക്‌
ഇലകളായ്‌ പെയ്‌തിറങ്ങാം
പരസ്‌പരം പുണര്‍ന്ന്‌
മണ്ണിലേക്ക്‌ വേരാഴ്‌ത്തി
ഇലകളെ വളര്‍ത്താം...
പരസ്‌പരം കടം കൊണ്ട വാക്കുകള്‍
മഴയില്‍ ഒഴുക്കാം
അതങ്ങനെ അവിരാമം ഒഴുകട്ടെ...
വിശുദ്ധിയുടെ ഈ താഴ്‌വരയില്‍ വെച്ച്‌
അവസാനിക്കാത്ത ഋതുക്കളുടെ നിറഞ്ഞ മൗനത്തിന്റെ ചുവട്ടില്‍ വെച്ച്‌
പ്രണയത്തിന്റെ വൃന്ദാവന സാരംഗം
ശതകോടി ദല സ്വരങ്ങളായ്‌
അരൂപിയായ പെണ്‍കുട്ടീ
ഞാനിതാ നിനക്ക്‌ സമ്മാനിക്കുന്നു...
Wednesday, November 9, 2011
Thursday, November 3, 2011
കൊഞ്ഞനം കുത്തിക്കളിക്കാം....... എന്താ...?
ചുറ്റുമുയരുന്ന പച്ച മാംസത്തിന്റെ മണം
കാമത്തിന്റെ ഊറ്റം ഉഴുതുമറിച്ച
കുഞ്ഞു കുഞ്ഞു സ്വപ്‌നങ്ങളുടെ
നിലവിളികള്‍...
പാളത്തിന്റെ ഇടനാഴിയില്‍
വീണുടഞ്ഞ കുപ്പിവളകള്‍...
കരുതിയിരിക്കുക
ഒറ്റക്കയ്യാന്‍മാരായ വിത്തുകാളകള്‍
പുറകില്‍ തന്നെയുണ്ട്‌...
.................................................................................
രാവിലെ ചായക്കൊപ്പം വായിച്ച
അക്ഷര കൂട്ടങ്ങള്‍ക്കിടയില്‍
അവളുണ്ടായിരുന്നു
കണ്ടു അത്രമാത്രം
പിന്നെ പുറത്തേക്ക്‌ നീട്ടിതുപ്പി...
ഇതിങ്ങനയൊക്കെ തുടരുമെന്ന്‌
ദീര്‍ഘ നിശ്വാസത്തില്‍ പൊതിഞ്ഞ്‌
പുറത്തേക്ക്‌ വിടാം
എന്നിട്ട്‌ റിയാലിറ്റി ഷോയില്‍
ഫസ്റ്റ്‌ കിട്ടേണ്ടത്‌
രണ്ടാം സ്ഥാനം കിട്ടിയ കുട്ടിക്കായിരുന്നു
എന്ന്‌ കൂലങ്കുഷമായി ചിന്തിച്ച്‌
തല പുകക്കാം...
എന്നിട്ടും സമയം പോയില്ലെങ്കില്‍
മിസ്‌ കോളടിച്ച്‌ ഏതെങ്കിലും
പെണ്‍കുട്ടിയെ തിരിച്ച്‌ വിളിപ്പിച്ച്‌
തവള ഇര പിടിക്കുന്നത്‌ പോലെ
നാക്ക്‌ പുറത്തേക്ക്‌ തള്ളി
നിറം പിടിപ്പിച്ച നുണകള്‍ തട്ടിവിടാം
ഇനി സംസാരിക്കാന്‍ ബുദ്ധിമുട്ടുണ്ടെങ്കില്‍
ചാറ്റിങ്ങിലൂടെ കുറേ
മാഞ്ഞാളം പറയാമല്ലോ.........................
അവസാനം പരസ്‌പരം കുറേ ചീത്ത വിളിച്ച്‌
കൊഞ്ഞനം കുത്തിക്കളിക്കാം.......
എന്താ...?
കാമത്തിന്റെ ഊറ്റം ഉഴുതുമറിച്ച
കുഞ്ഞു കുഞ്ഞു സ്വപ്‌നങ്ങളുടെ
നിലവിളികള്‍...
പാളത്തിന്റെ ഇടനാഴിയില്‍
വീണുടഞ്ഞ കുപ്പിവളകള്‍...
കരുതിയിരിക്കുക
ഒറ്റക്കയ്യാന്‍മാരായ വിത്തുകാളകള്‍
പുറകില്‍ തന്നെയുണ്ട്‌...
.................................................................................
രാവിലെ ചായക്കൊപ്പം വായിച്ച
അക്ഷര കൂട്ടങ്ങള്‍ക്കിടയില്‍
അവളുണ്ടായിരുന്നു
കണ്ടു അത്രമാത്രം
പിന്നെ പുറത്തേക്ക്‌ നീട്ടിതുപ്പി...
ഇതിങ്ങനയൊക്കെ തുടരുമെന്ന്‌
ദീര്‍ഘ നിശ്വാസത്തില്‍ പൊതിഞ്ഞ്‌
പുറത്തേക്ക്‌ വിടാം
എന്നിട്ട്‌ റിയാലിറ്റി ഷോയില്‍
ഫസ്റ്റ്‌ കിട്ടേണ്ടത്‌
രണ്ടാം സ്ഥാനം കിട്ടിയ കുട്ടിക്കായിരുന്നു
എന്ന്‌ കൂലങ്കുഷമായി ചിന്തിച്ച്‌
തല പുകക്കാം...
എന്നിട്ടും സമയം പോയില്ലെങ്കില്‍
മിസ്‌ കോളടിച്ച്‌ ഏതെങ്കിലും
പെണ്‍കുട്ടിയെ തിരിച്ച്‌ വിളിപ്പിച്ച്‌
തവള ഇര പിടിക്കുന്നത്‌ പോലെ
നാക്ക്‌ പുറത്തേക്ക്‌ തള്ളി
നിറം പിടിപ്പിച്ച നുണകള്‍ തട്ടിവിടാം
ഇനി സംസാരിക്കാന്‍ ബുദ്ധിമുട്ടുണ്ടെങ്കില്‍
ചാറ്റിങ്ങിലൂടെ കുറേ
മാഞ്ഞാളം പറയാമല്ലോ.........................
അവസാനം പരസ്‌പരം കുറേ ചീത്ത വിളിച്ച്‌
കൊഞ്ഞനം കുത്തിക്കളിക്കാം.......
എന്താ...?
Subscribe to:
Posts (Atom)