മാറാല വകഞ്ഞു മാറ്റി
ഗോവണി കയറുമ്പോള്...
മുകളില് ചരിത്രവും ഭൂമി ശാസ്ത്രവും
ഭൗതിക ശാസ്ത്രവും ഗണിതവുമെല്ലാം
കെട്ടു പിണഞ്ഞ്
സംവാദ കോലാഹലത്തില്...
സാഹിത്യം മിണ്ടാതെ ഒരരുകില് ഒറ്റക്ക്...
നരിച്ചീറുകള്
തലങ്ങനയും വിലങ്ങനയും പറക്കുന്നു
അവ തുര്ക്കികള്ക്കൊപ്പം
കോണ്സ്റ്റാന്റിനോപ്പിള്
കീഴടക്കുന്ന തിരക്കിലായിരിക്കും...
മൂക്കിലേക്ക് അരിച്ചിറങ്ങുന്ന
പഴമയുടെ ഗന്ധം...
ചിതലരിച്ച അറിവാണ് ചുറ്റിലും...
തുഞ്ചനും... കുഞ്ചനും മുതല്
അമര്ചിത്ര കഥകളുമായി
അനന്ത പൈ വരെ നീണ്ട് നിവര്ന്ന്
പത്തായത്തിന്റെ മൂലയില്...
ഓര്മ്മയില്
കുട്ടിക്കാലത്തിന്റെ ബാലാരിഷ്ടതകള്
കൗമാരത്തിന്റെ അശാന്തികള്...
മുറിഞ്ഞ് മുറിഞ്ഞ് വിണു പോകുന്ന
ജ്ഞാന വിജ്ഞാനങ്ങള്...
ഒന്നും കിട്ടിയില്ല...
അല്ലെങ്കിലും തള്ളുമ്പോള്
ആലോചിക്കാറില്ലല്ലോ
കൊള്ളലുകളെ പറ്റി...
ഇനി ഗോവണി ഇറങ്ങാം..........
No comments:
Post a Comment