സൗമ്യമായ പുഞ്ചിരി നിറച്ച ഒരു മൗനം നിങ്ങള്‍ക്കും......
യാത്രകള്‍... അറ്റമില്ലാത്ത ഭൂമിയുടെ നെഞ്ചില്‍ ചവിട്ടി നാം കടന്നു പോകുന്ന വഴികള്‍. ഓരോ യാത്രയുടെ അവസാനവും പുതു യാത്രകളുടെ തുടക്കമാണ്‌. വഴിനീളെ അനുഗ്രഹം ചൊരിഞ്ഞ്‌ ഛായാ വൃക്ഷങ്ങള്‍. വഴിയമ്പലങ്ങളിലെ കാത്ത്‌ നില്‍പ്പ്‌. അറിവ്‌ തേടിയുള്ള സഞ്ചാരങ്ങള്‍. തിരിച്ചറിവിനായുള്ള അലച്ചിലുകള്‍. പറഞ്ഞ്‌ പറഞ്ഞ്‌ തീര്‍ന്നു പോകുന്ന വാക്കുകള്‍. വാക്കുകള്‍ ഇപ്പോഴും എപ്പോഴും സുന്ദരമാണ്‌.....
ഓരോ രാത്രിയിലും പുതിയ സ്വപ്‌നങ്ങള്‍ കടന്നു വരുന്നു. വസന്ത കാലത്ത്‌ വൃക്ഷങ്ങള്‍ ഇല പൊഴിക്കുന്നതുപോലെ അവ ഇപ്പോഴും മൗനങ്ങളെ നിറക്കുകയാണ്‌. നിറഞ്ഞു നില്‍ക്കുന്ന പ്രണയത്തിന്റെ അവസാനിക്കാത്ത ഋതുക്കള്‍ പോലെ.....
കടന്നു വരിക. കണ്ണീര്‍ തുടച്ച്‌ ചിരിവിരിക്കുക. മിഴികള്‍ തുറന്നു വെക്കുക......
കവി പറഞ്ഞതു പോലെ കൊഴുത്ത ചവര്‍പ്പുകള്‍ കുടിച്ച്‌ വറ്റിച്ച്‌ ശാന്തിയുടെ ഇത്തിരി ശര്‍ക്കര മധുരം നുണയാം......
ചില യാത്രകള്‍ അങ്ങനെയാണ്‌. സൗമ്യമായ പുഞ്ചിരി നിറച്ച ഒരു മൗനം നിങ്ങള്‍ക്കും തരുന്നു. ഒന്നു കൂടെ പറയട്ടെ ജീവിതം വളരെ ലളിതമാണ്‌......
No comments:
Post a Comment