ചുറ്റിലും ഉയരുന്ന
കുശല ശബ്ദങ്ങള്‍ക്കിടയില്‍ നിന്ന്
പുറത്തേക്ക് തെറിച്ചു വീണ...
നിന്റെ നോട്ടത്തിന്റെ
ഉള്ളറകളിലെവിടയോ
ഒളിഞ്ഞിരിക്കുന്ന...
കൂട്ടന്തതയുടെ ഒടുക്കത്തില്‍
അട്ടഹാസത്തിന്
വഴിമാറുന്ന...
കണ്ണീരിന്റെ
ഉപ്പു നനവുകള്‍ക്കിടയില്‍
മധുരം ഊറിക്കൂടുന്ന...
ഏകാന്തത്തില്‍
ഓര്‍മകളിലേക്ക്
ചോദിക്കാതെ വരുന്ന...
പൂപോലെ സുന്ദരമായി
പ്രണയം വിടര്‍ത്തുന്ന...
പുച്ഛം പുരട്ടി
നിസ്സംഗതയില്‍ പൊതിഞ്ഞ്
ചുരുട്ടി എറിയുന്ന...
നിന്നില്‍ നിന്ന് എന്നിലേക്കും
എന്നില്‍ നിന്ന് നിന്നിലേക്കും
മൗനത്തിന്റെ പാലത്തിലൂടെ
കടന്നു പോകുന്ന...
No comments:
Post a Comment